Daut Haradinaj: Prishtinës i nevojiten vendime të guximshme dhe të mëdha

nga Revista Kosovarja 7 Korrik, 2021

shkruar nga Revista Kosovarja 7 Korrik, 2021

Kandidati për kryetar të komunës së Prishtinës nga radhët e AAK-së Daut Haradinaj, në takim me aktivistët e AAK-së në Prishtinë ka thënë se e sheh shumë të nevojshme mobilizimin për zgjedhjet komunale.

Ai tha se vërehet një energji pozitive në mesin e qytetarëve, të cilët përkrahin vizionin tonë që Prishtina të jetë e para “Në takim me aktivistë të AAK-së në Prishtinë theksova rëndësinë për t’u mobilizuar si kurrë më parë për zgjedhjet komunale.

Vërehet nje energji tepër pozitive në mesin e qytetarëve, të cilët përkrahin vizionin tonë që Prishtina të jetë e para”, ka shkruar Haradinaj.

Tutje ai tha se ai ka projekte konkrete për kryeqytetin, ku janë nevojë e kahmotshme e qytetarëve dhe se do ketë qeverisje të dinjitetshme ër të gjitha lagjet e kryeqytetit.

“Në këto zgjedhje vijmë me projekte konkrete, të cilat janë nevojë e kahmotshme e qytetarëve, në mënyrë që të rritet mirëqenia dhe cilësia e jetës në Kryeqytet. Do të këtë barazi në qeverisje për të gjithë. Do të ndalet diskriminimi i lagjeve te caktuara, ku ende ka mungesë të infrastrukturës elementare që mundëson një jetë të dinjitetshme. Është koha që të mirren vendime të guximshme dhe të mëdha. Këtë ua garantoj”, tregoi ai. /Kosovarja/

https://www.facebook.com/DautHaradinaj/posts/4010710635648701

Daut Haradinaj

Daut Haradinaj: Prishtinës i nevojiten vendime të guximshme dhe të mëdha

Nis ceremonia e varrimit të babait të Kadri Veselit

E transformuan autobusin në shtëpi, pasi u mërzitën nga udhëtimet e punës