David Beckham së fundmi ka filluar të tregojë aftësitë e tij edhe në një sferë tjetër, atë të gatimit.
Tashmë për shkak të krizës globale, ai është duke qëndruar së bashku me familjen e tij në Cotwolds, duke kaluar kështu kohën e lirë në mënyra të ndryshme.
Duke ndarë fotografi për 62 milionë ndjekësit e tij, David tregon pjatën e përgatitur me suxhuk dhe pire, të mbuluar me lëng mishi.
Në pjatën e tij nuk mungoi as sallata, ku për këtë porcion ish-futbollisti i njohur kishte përgatitur sallatën e njohur si ‘coleslaw’, e cila bëhet kryesisht nga lakra dhe karotat.
Për të mos e lënë me kaq, Beckham ndau edhe një video ku shihet së bashku me vajzën e tij, Harper, duke gatuar një desert me banane. Në mbishkrimin e kësaj videoje ai kishte shkruar se kur ishte fëmijë kjo ëmbëlsirë bëhej vetëm në raste të veçanta.
Përpos David, edhe të tjerë yje janë aktivizuar në kuzhinë duke i shpërndarë rezultatet e tyre në rrjetet sociale, përfshirë Michelle Colllins, Paddy McGuiness dhe Gwyneth Paltrow.
