Ish-ambasadori i Kosovës në Maqedoninë e Veriut, Gjergj Dedaj është duke vazhduar të japë dëshminë e tij në Dhomat e Specializuara.
Ai ka deklaruar se është bërë “pishman” për një prej deklaratave që ka dhënë në lidhur me zhvillimet e vitit 1998.
“Këto deklarata i kam dhënë në gjendje të rëndë, të vështirë dhe shpesh herë i kam ekzagjeruar sepse nuk e kam ditë që këto kanë me u bë temë një ditë, e as që do të ketë gjykatë kundër Kosovës”, ka thënë Dedaj.
Dedaj pyetet nga ZPS për raportet që kishin me UÇK derisa vizituan qytetarët në kohë lufte
Lexo po ashtu
Dedaj pyetet nga ZPS për raportet që kishin me UÇK derisa vizituan qytetarët në kohë lufte
Ai tutje ka shtuar se në shumicën e dëshmive nuk ka qenë në gjendje të mirë psikike.
“Në 90 për qind të deklarimeve që i kam bërë pasluftës s’kam qenë normal dhe në gjendje për të thënë të vërtetën. Jam i gatshëm të ballafaqohem me çdo gjë…Edhe sot që jam këtu thash se jam kufomë, s’kam asnjë vlerë. Nuk e di pse jam gjallë, unë nuk ligështohem, jam i guximshëm dhe jam i përgatitur për të dhënë jetën….”, ka thënë Dedaj.
