Del lista e plotë e kandidatëve të LDK-së për Kuvend

Kryetari i Lidhjes Demokratike të Kosovës, Lumir Abdixhiku, ka prezantuar listën zgjedhore të partisë, të cilën e ka quajtur lista e shpresës dhe e ka shoqëruar me moton: “Një, dy, tre. Zgjedh shpresën!”

Në një postim në facebook, Abdixhiku ka thënë se lista e LDK-së përfaqëson njerëz që besojnë në shtet, në ligj dhe në merite, duke e cilësuar këtë ekip si të gatshëm për të udhëhequr vendin drejt së ardhmes euroatlantike.

Ai ka theksuar se kandidatët e listës janë një kombinim i profesionistëve të dëshmuar, aktivistëve të LDK-së dhe gjeneratës së re që, sipas tij, kërkon përgjegjësi dhe sjell energji për ndryshim.

Bartës i listës së kësaj partie është kreu i saj, Lumir Abdixhiku, i cili pasohet nga Kujtim Shala i cili në listë është i dyti.