fbpx
Ska rezultate
Shiko të gjitha rezultatet
Revista Kosovarja
  • Aktuale
  • Showbiz
  • Kronike
  • Per Jete
  • Kuriozitete
  • Shendetesi
  • Horoskopi
  • REVISTAPa pagesë
Revista Kosovarja
  • Aktuale
  • Showbiz
  • Kronike
  • Per Jete
  • Kuriozitete
  • Shendetesi
  • Horoskopi
  • REVISTAPa pagesë
Revista Kosovarja
Ska rezultate
Shiko të gjitha rezultatet

Deputeti i PDK-së: Tensionet në veri të programuara mes Kurtit, Vuçiqit e Lajçakut – në shtator e rrëzojmë Qeverinë

nga Revista Kosovarja
2 javë më parë
në Aktuale
FacebookTwitterWhatsappLinkedin

Pas dy ditësh tensione, situata në veri të Kosovës konsiderohet të jetë e qetë. Dje u larguan të nëntë barrikadat që ishin vendosur nga serbët lokalë në këtë pjesë. E me heqjen e tyre, Qeveria e Kosovës ashtu siç ishte zotuar, e shtyu deri më 1 shtator implementimin e dy vendimeve për reciprocitet të letërnjoftimeve me Serbinë dhe atë për targa të automjeteve. Këtë vendim ekzekutivi e mori pas kërkesës nga Shtetet e Bashkuara të Amerikës.

Anëtari i Komisionit Parlamentar për Çështje të Sigurisë dhe Mbrojtjes nga Partia Demokratike e Kosovës, Hisen Berisha, në një prononcim për Telegrafin tha se tensionet e krijuara në këtë pjesë të vendit ishin të programuara mes kryeministrit të Kosovës, Albin Kurti, presidentit të Serbisë, Aleksandar Vuçiq me ndërmjetësimin e emisarit të Bashkimit Evropian për dialogun Prishtinë-Beograd, Mirosllav Lajçak.

“Këto situata i shërbejnë ruajtjes së status qou-s dhe pengojnë arritjen e marrëveshjes përfundimtare midis Kosovës e Serbisë, të cilat luftojnë me njëra tjetrën që nga viti 1912”, deklaroi Berisha, teksa akuzoi Qeverinë Kurti për “çeçenizimin” e shtetit të Kosovës.

Ai paralajmëroi rrëzimin e Qeverisë Kurti në shtator, pasi siç tha, të gjitha partitë duhet të punojnë fort për ta larguar “çeçenizimin” si opsion të politikëbërjes.

“Në shtator, Kuvendi i Republikës së Kosovë besoj se do t’i kryejë të gjitha procedurat e votëbesimit të kësaj qeverie, do ta rrëzojë qeverinë. Ne si kuvendarë të të gjitha partive duhet të punojmë fort për ta larguar ‘çeçenizimin’. Për ketë jam optimist!”, u shpreh tutje deputeti opozitar.

Në anën tjetër, anëtari i këtij Komisioni nga Lëvizja Vetëvendosje, Enver Dugolli, në një prononcim për Telegrafin tha se dhënia e afatit shtesë prej një muaji nuk është zmbrapsje e Qeverisë.

Sipas tij, vendimi për vendosjen e masave reciproke është i drejtë dhe si i tillë është i pakthyeshëm.

“Kosova nuk është zmbraps për asnjë moment. Vendimi i Qeverisë për vendosjen e masave reciproke është i drejtë dhe si i tillë është i pakthyeshëm. Dhënia e afatit shtesë për zbatim prej një muaji nuk është zmbrapsje”, deklaroi Dugolli.

Anëtari i Komisionit për Çështje të Sigurisë dhe Mbrojtjes nga LVV, Enver Dugolli

Ai tutje shtoi se ky vendim duhet të përshëndetet, pasi është marrë “pas kërkesës së sinqertë dhe dashamirëse të miqve tanë amerikanë”.

“Nëse jemi vonuar me këto masa qe 11 vite, një muaj i kërkuar nga partnerët tanë nuk është ndonjë humbje apo ligësi. Me rëndësi është që tanimë vendimet e Qeverisë sonë për masat e marra askush nuk i vë në pikëpyetje, ato pranohen si e drejtë absolute e shtetit tonë dhe si të tilla do zbatohen nga 1 shtatori”.

Ndonëse tha se situata në veri është e qetë, sipas tij kërkohet vëmendje dhe vigjilencë më e madhe e forcave të rendit.

“Pas tërheqjes së bllokadave dhe lirimit të rrugëve, situata në veri është e qetë mirëpo pas sulmeve dhe bllokadave që kanë ndodhë nga bandat e strukturave kriminale dhe të dirigjuara nga Serbia, kërkohet vëmendje dhe vigjilencë më e madhe e forcave të rendit”.

“Falë profesionalizmit dhe përkushtimit të Policisë së Kosovës, situata është menaxhuar pa viktima, ndonëse bandat kriminale të mveshura me nacional shovinizëm serb e dëshironin destabilizimin e veriut deri në gjakderdhje”, tha Dugolli.

I pyetur se a mund të paraqitet situatë e njëjtë në shtator, Dugolli tha se do të punojnë që përmes fushatave t’i informojnë serbët lidhur me vendimet në fjalë si dhe lehtësirat që do t’i kenë me rastin e regjistrimit të veturave të tyre.

“Ne nuk e dëshirojmë ndonjë përshkallëzim të situatës dhe do punojmë edhe këtë muaj me fushata informues për vendimet e Qeverisë si dhe për lehtësirat që do t’i kenë qytetarët me rastin e regjistrimit të veturave të tyre”.

“Ne do ta bëjmë punën tonë. Prandaj thërrasim qytetarët e komunitetit serb që të mos bien pre e manipulimeve dhe shantazheve të grupeve të caktuara kriminale, që për qëllim kanë eskalimim dhe destabilizimi e situatës”, ths Dugolli.

Në fund ai ftoi bashkësinë ndërkombëtare që të dënojë fuqishëm sulmin e bandave kriminale, të cilat siç tha, ishin të mbështetura dhe të udhëhequra nga Serbia.

“Besoj që ky ishte një sulm i organizuar që për qëllim kishte sfidimin e shtetit të së drejtës dhe krijimin e një zone pasigurie për qytetarët e vendit. Edhe njëherë kërkojmë që bashkësia ndërkombëtare të jetë më e rreptë dhe më e prerë ndaj Serbisë para se të bëhet vonë. Skenarët e Serbisë dhe Rusisë nuk do duhej lejuar në Ballkan”, tha Dugolli.

Ndërsa, anëtari i këtij komisioni nga Lidhja Demokratike e Kosovës (LDK), Anton Quni, i kontaktuar nga Telegrafi tha se nuk ka asgjë për të shtuar përveç atyre që janë thënë në komunikatën zyrtare të partisë.


Anëtari i Komisionit për Çështje të Sigurisë dhe Mbrojtjes nga LDK, Anton Quni

Kujtojmë se LDK-ja e dje e quajti dështim vendimin e Qeverisë, pasi sipas tyre, kjo e fundit nuk është koordinuar me aleatët ndërkombëtarë dhe se nuk ka qenë e përgatitur për vendosjen e masës reciproke me Serbinë për letërnjoftimet dhe targat.

“Nga dështimi i mbrëmshëm, kuptuam që institucionet nuk janë koordinuar me askënd dhe se nuk kanë qenë të përgatitura për situatën e djeshme. Ndërsa sot, pas dështimit, Presidentja ftoi në takim partitë opozitare me Qeverinë. Për çfarë? Për të mbuluar dështimin dhe papërgjegjësinë?”, u tha në komunikatën për media të kësaj partie.

“Opozita duhet të konsultohet dhe të dëgjohet para se të ndërmerren veprimet. Opozita mund të ndihmojë Qeverinë që të mos gabojë, por nuk mund të marrë përsipër dështimet e saj. Mbështesim vendosjen e reciprocitetit, si masë e drejtë e çdo shteti sovran. Në të njëjtën kohë, koordinimi me aleatët tanë është kërkesë e përhershme e Lidhjes Demokratike të Kosovës. Ky koordinim është kushti i vetëm i suksesit”.

Telegrafi ka provuar të kontaktojë edhe kryetarin e omisionit Parlamentar për Çështje të Sigurisë dhe Mbrojtjes, Bekë Berisha nga Aleanca për Ardhmërinë e Kosovës, por i njëjti nuk është përgjigjur në telefonata.

Çfarë ndodhi të dielën dhe pse u vendosën barrikadat?

E diela e 31 korrikut u karakterizua me tensione të shumta në veri të vendit, shkaku i vendimit të Qeverisë së Kosovës për reciprocitet me Serbinë për çështjen e targave dhe letërnjoftimeve.

Ky vendim i cili do të niste së zbatuari të hënën më 1 gusht, bëri që shumë serbë lokalë në veri të vendit, të dielën pasdite të vendosin barrikada në rrugët që çojnë në dy pikë kalimet kufitare me Serbinë – Jarinje dhe Bërnjak.

Përveç barrikadave, në veri pati edhe të shtëna me armë zjarri të cilat u konfirmuan edhe nga Policia e Kosovës, e disa qytetarë edhe u maltretuan në kufi. Në disa vende policia tha se është shtënë edhe ndaj njësiteve policore, por që nuk kishte asnjë të lënduar.

Pas kësaj, Qeveria u zotua se do të shtyjë zbatimin e vendimeve për një muaj, nëse serbët largojnë barrikadat e vendosura, ndërkaq në mesnatë u lëshuan dokumentet e para për hyrje-dalje.

Vendimi i 29 qershorit i ekzekutivit kosovar parasheh lëshimin e dokumentit për hyrje-dalje për të gjithë personat që posedojnë dokumente serbe.

Praktikë të njëjtë Serbia ka aplikuar ndaj qytetarëve të Kosovës për vite me radhë.

Ndërkaq, vendimi i dytë parasheh që të gjithë pronarët e makinave me targa me akronime të qyteteve të Kosovës – që lëshohen nga Serbia – të mund të riregjistrojnë makinat e tyre në targat RKS (Republika e Kosovës). /Telegrafi/


Etiketa: Albin KurtiAnton QuniEnver DugolliHisen Berisha

POSTIME TË NGJASHME

Aktuale

KOSTT: Reduktimet e rrymës do të jenë në varësi të ngarkesës dhe energjisë së siguruar

35 minuta më parë
Aktuale

Sondazhi i të rinjëve serb: “Gjysma mendojnë se Kosova është humbur dhe s’kthehet më”

2 orë më parë
Aktuale

Rritet numri me raste të vdekjeve dhe lëndimeve në vendin e punës

2 orë më parë
Aktuale

Dy persona vdesin nga COVID-19, konfirmohen 783 raste të reja

3 orë më parë
Aktuale

Bytyçi: “NATO pret zotime nga Kosova dhe Serbia për mostensionim të situatës”

4 orë më parë
Aktuale

Zonja e Parë e SHBA-së del pozitiv me COVID-19

7 orë më parë
Postimi tjetër

Disa lëvizje për të evituar bakteret në kuzhinë

Frankfurter Allgemeine Zeitung shkruan për Kurtin: Këmbëngulës dhe i vendosur

Akuzohet për blerje klikimesh, reagon e revoltuar Dafina Zeqiri

TË FUNDIT

Marina Vjollca dhe Geti, plotë lumturi nga vullkani Etna në Siçili

17 minuta më parë

Çifti Marina Vjollca dhe Getoar Selimi janë një prej çifteve më të përfolur të estradës. Dyshja së fundmi u kanë...

Per çka hidhërohet Bleona Qereti?

30 minuta më parë

Këngëtarja Bleona Qereti është gjendje të luftoj me këdo që guxon t’ja kritikoj apo t’ja shajë të pasmet e saj....

KOSTT: Reduktimet e rrymës do të jenë në varësi të ngarkesës dhe energjisë së siguruar

35 minuta më parë

Operatori i Sistemit, Transmisionit dhe Tregut të Energjisë Elektrike të Kosovës (KOSTT) njofton se reduktimet e rrymës në vend do...

DJ Dagz me fjalë prekëse pasi po bëhet baba: Mund të të shikojmë për një jetë, ti je filmi ynë i preferuar

45 minuta më parë

  Einxhel dhe Dagz po bëhen prindër për herë të parë, dhe entuziazmin po e tregojnë çdo ditë. Ka qenë...

Njihet si mysliman i përkushtuar – ylli i futbollit ndihmon në ndërtimin e kishës që u dogj nga zjarri

1 orë më parë

Ylli i Liverpoolit, Mohamed Salah thuhet se ka dhuruar një shumë të madhe të parave të tij për të ndihmuar...

Momenti kur Dafina i ledhaton të pasmet e Kidës në koncert

1 orë më parë

Dafina Zeqiri dhe Kida, kanë bashkëpunimin e tyre të titulluar “Luje belin”. Ky ishte bashkëpunimi i tyre i parë, që...

MË TË LEXUARAT

Fifi i bën një kërkesë publikisht Edi Ramës

Me çfarë po merret aktualisht Alban Ramosaj

Adele rrëfen lidhjen me Rich Paul: Nuk kam qenë asnjëherë e dashuruar kështu, dua të martohem sërish

Familja Destani sjellë kompaninë e veturave elektrike në Tetovë – investimi më i madh ndonjëherë në këtë zonë

Lëngu i shalqirit shëron këto sëmundje

Reduktimet e rrymës në Kosovë bëhen lajm edhe në mediat ndërkombëtare

Baby Gee humb ekuilibrin teksa performonte para publikut

Horoskopi ditor, e mërkurë 17 gusht 2022

MPB blen autoblinda, topa uji, limuzina të blinduara dhe armë të gjata për policët kufitar

Flaka Krelani nuk i ndalon fotografitë provokuese për fansat

  • AKTUALE
  • SHOWBIZ
  • KRONIKË
  • PËR JETË
  • KURIOZITETE
  • SHËNDETËSI
  • HOROSKOPI
  • REVISTA
  • ARKIVA
  • OPINIONE
  • INTERVISTA
  • PËRJETIME
  • DASHNI
  • BIOGRAFIA
  • GATOJCA
  • KUIZE
  • ASTROLOGJI
  • MAGJISTARJA
  • Marketing
  • Impressium
  • Rreth Kosovares
  • Privacy Policy

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: "Ali Hadri"-nr.6 Prishtinë, Kosovë
REDAKSIA: +38338517575; +38344143448; Email: [email protected]
© 2020 REVISTA KOSOVARJA Dizajni: OverPrint

Ska rezultate
Shiko të gjitha rezultatet
  • AKTUALE
  • SHOWBIZ
  • KRONIKË
  • PËR JETË
  • KURIOZITETE
  • SHËNDETËSI
  • HOROSKOPI
  • REVISTA
  • ARKIVA
  • OPINIONE
  • INTERVISTA
  • PËRJETIME
  • DASHNI
  • BIOGRAFIA
  • GATOJCA
  • KUIZE
  • ASTROLOGJI
  • MAGJISTARJA
  • Marketing
  • Impressium
  • Rreth Kosovares
  • Privacy Policy

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: "Ali Hadri"-nr.6 Prishtinë, Kosovë
REDAKSIA: +38338517575; +38344143448; Email: [email protected]
© 2020 REVISTA KOSOVARJA Dizajni: OverPrint

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist