Sean “Diddy” Combs po përballet me akuza të reja, duke përfshirë trafikimin e femrave dhe përfshirjen në prostitucion – vetëm një muaj para gjyqit të tij në Nju Jork.
Akuzat e reja, të lëshuara të premten nga një gjykatë në Manhattan, përfshijnë akuzat për vepra e fundit penale dhe vënë në dukje përfshirjen e një viktime të dytë, raporton BBC.
Prokurorët pretendojnë se Diddy rekrutoi, transportoi dhe detyroi viktimën e dytë të përfshihej në akte seksuale dhe prostitucion nga viti 2021 deri në vitin 2024.
Diddy është përballur me dhjetëra padi nga burra dhe gra që e akuzojnë atë për abuzim seksual, me akuza që datojnë dekada më parë. Vetë reperi mohon gjithçka.
Diddy aktualisht po mbahet në një burg në Bruklin me akuza për shfrytëzim seksual, organizim kriminal, trafikim personash, prostitucion dhe punë të detyruar.
