Ish-missi kosovar, Diellza Kolgeci, mbrëmjen e djeshme ( e mërkure) ka qenë pjesë e një eventi mjaft të rëndësishëm.
Përmes disa fotografive të publikuara në Facebook, ajo ka marrë pjesë në ndejën e familjes e organizuar nga “Beaujolais Nouveau” dhe ambasadori francez në Kosovë, Olivier Guerot.
Në fotografitë e publikuara, aktorja e filmit ikonik “Dashuria e Bjeshkëve të Nemuna” shihet edhe duke pozuar pranë Kryeministrit të Kosovës, Albin Kurti.
“E nderuar të jem pjesë e traditës dhe familjes së ‘Beaujolais Nouveau’ organizuar nga ambasadori francez dhe Fidaim Rashiti”, ka shkruar Diellza Kolgeci.
Bukuroshja bionde është dukur tejet elegante në këtë mbrëmje e veshur me një kostum ngjyrë kafe, i cili theksonte mjaft mirë figurën e saj trupore.
Diellza edhe më tutje ka ndarë me ndjekësit e saj fotografi të tjera, ku duket se ia ka kaluar mirë nën shoqërinë e kryeministrit dhe figurave të tjera të rëndësisë së lartë në këtë event.
