Ibrahim ‘Ido’ Tatlises është këngëtar dhe DJ turk, i cili është djali i legjendës Ibrahim Tatlises.
Nga lidhja me bashkaktoren nga filmi Gunah, Derya Tuna, më 15 shkurt të vitit 1992, ikona turke e muzikës u bë me djalë.
Emri i tij, ‘Ido’ është pikërisht kombinim i inicialeve të para të dy emrave të babait dhe nënës (I dhe D) duke ia shtuar mbaresën ‘O’ që është e rëndomtë në nofkat nga shkurtesat e emrave.
Ai e nisi karrierën muzikore në vitin 2014 kur edhe e publikoi albumin e parë të titulluar “Sonsuz Tesekkurler”.
Në vitet në vijim publikoi disa këngë që i shoqëroi me videoklipe, ndërsa veçohet hiti “Sen” nga viti 2017 që numëron mbi 200 milionë shikime në YouTube.
Në xhirimet festive për ndërrim e motmoteve, Ido ishte pjesë e spektaklit “Ibo Show”, ku interpretoi së bashku me babanë e tij disa prej hiteve të Ibrahim Tatlises, i cili tashmë i është kthyer skenës muzikore .
