Marius Borg Høiby, djali 29-vjeçar i Princeshës së Kurorës së Norvegjisë, Mette-Marit, është dënuar me katër vjet burgim pasi është shpallur fajtor për dy akuza për dhunim, ka raportuar BBC.
Gjykata e Qarkut të Oslos e liroi atë nga dy akuza të tjera të ngjashme, por e shpalli fajtor për një sërë veprash penale që lidhen me rastin. Høiby nuk ishte i pranishëm fizikisht në shpalljen e vendimit, por mori pjesë përmes videolidhjes.
Prokuroria kishte kërkuar dënim prej mbi shtatë vitesh burg, ndërsa mbrojtja kishte kërkuar një dënim më të lehtë dhe ka paralajmëruar mundësinë e apelimit të vendimit.
Sipas vendimit të gjykatës, rastet përfshijnë disa gra në periudha të ndryshme, ndërsa Høiby është liruar nga disa akuza të tjera për mungesë provash.
Gjykata gjithashtu ka vendosur që ai të paguajë kompensim për disa nga viktimat.
