Natën e mbrëmshme në stacionin policor në Zubin-Potok është dërguar një qytetar i cili është ndaluar për 6 orë.
Kjo pasi që ai në orën 21:00 nën ndikimin e alkoolit kishte rrahur dy prindërit e tij dhe kishte prishur orendit e shtëpisë.
“Zubin-Potok, 20.01.2021-21:00. Është arrestuar i dyshuari mashkull kosovar pasi që ai nën ndikim alkooli kishte tentuar që të sulmonte fizikisht prindërit e tij si edhe ka demoluar orenditë e shtëpisë. Me urdhër të prokurorit kujdestar, i dyshuari është ndaluar në stacion të policisë për gjashtë(6) orë”, thuhet në raport.
