Dihet që këngëtarja Albërie Hadërgjonaj e nisi karrieren muzikore në moshë fare të re.
“Isha fëmijë, nuk e mbaj mend saktësisht moshën, por në shkollë fillore. Unë në moshën 12 vjeçare kam fituar çmim të parë në festival botëror në Zagreb”.
Këngëtarja e shumë hiteve ruan të arkivuata në kujtesë një bagazh të tërë kujtimesh nga më të ndryshmet, shkruan “Kosovarja”.
“Një ngajrje shumë e veçantë e fillimeve të mija në muzikën e lehtë, është edhe ajo e vitit 1998, kur po merrja pjesë në festivalin e fundvitit të 98-tës. U sëmura keq dhe festivalin e kisha pas tre ditësh. Mjeku më tha që nuk bëhesh të këndosh për tre ditë, sepse nga ftohja u bllokova dhe u ënjta si kurrë më parë në jetën time. U shqetësuan të gjithë për gjendjen time, sepse unë duhej të prisja pak ditë dhe të operohesha. Nuk flisja dhe nuk ngrihesha nga krevati. Doktorët i kisha mbi kokë. Por, unë besoj në Zot shumë dhe ju shkrova një letër, sepse nuk flisja dot. Shkruajta: ‘’Unë do marr pjesë pasnesër kështu siç jam’’. Mora pjesë dhe fitova çmimin e parë dhe më pas kënga u fut në 100 këngët më të bukura të historisë së muzikës shqiptare”, ka treguar me emicione këngëtarja.
