Personi i ndaluar në territorin e Kështjellës Windsor, me një hark në krahë, pranoi përpara gjykatës në Britani se ishte aty për të vrarë “Mbretëreshën”.
Ai u deklarua fajtor për akuzat sipas seksionit dy të Aktit të Tradhëtisë 1842, së bashku me akuzat e posedimit të një arme të ftohtë dhe tentativës për vrasje.
21-vjeçari, nga Southampton, i cili mbante nëj maskë në fytyrë, u ndalua brenda Kështjellës Winsdor në një pozicion përballë me apartamentin e ish-monarkes.
Oficeri i cili e ndaloi tha se ai dukej si “një personazh nga një film vigjilent”.
Chail, një ish-punonjës supermarketi, kishte ngarkuar një video në TikTok gjysmë ore para hyrjes në Pallatin Mbretëror, ku deklaronte se do të hakmerrej për masakrën e Amritsarit të vitit 1919 në Indi.
Mbretëresha ishte në apartamentet e saj private në atë kohë dhe porta “lejonte hyrjen e menjëhershme në apartamente. Ajo nuk është kurrë e hapur për publikun,” tha Kathryn Selby, proceduese.
Oficeri pa Chailin që po ecte ngadalë nëpër hapësirat private drejt tij dhe filloi t’i afrohej.
Ndërsa e bëri këtë, oficeri kuptoi se Chail kishte kapuçin e tij mbi kokë dhe në shpinë mbante një hark.
Oficeri iu drejtua Chail me fjalët: “Mëngjes, a mund ta ndihmoj shokun?”
Chail i tha: “Unë jam këtu për të vrarë mbretëreshën”.
Në atë kohë oficeri e neutralizoi agresorin dhe e detyroi të hidhte armën dhe të gjunjëzohej me duart pas koke.
Pas deklarimeve në gjykatë, rasti u shty për raporte të mëtejshme psikiatrike dhe Chail do të dënohet më 31 mars.
