Partnerja e Dani Alves, Joana Sanz ndodhet aktualisht në Doha për të shoqëruar futbollistin veteran brazilian, në atë që është Botërori i tij i tretë dhe ndoshta i fundit.
Modelja nuk ka munguar në ndeshjen hapëse të Brazilit kundër Serbisë të enjten dhe ka shpërndarë në rrjetet sociale një imazh nga stadiumi “Lusail”, ku shihej e veshur me fanellën e Selecaos dhe me një buzëqeshje të madhe në fytyrë.
Në mbishkrimin e fotografisë ajo bëri një dedikim shumë emocionues për partnerin e saj, shkruan Marca.
“Kudo, por me ty”, ka shkruar ajo në Instagram.
Sanz ndau me ndjekësit gjithashtu një ‘screenshot’ të bisedës së saj me mbrojtësin brazilian në WhatsApp, për të treguar lidhjen e fortë të çiftit.
Pasi ajo i shkroi “Të dua”, modelja përcolli keqardhjen që nuk mundi të shkonte në hotel për ta parë.
“Do të të marr me siguri, mos u grind me mua”, ka shkruar tutje Alves.
