Vetëm 7 raste të reja me koronavirus janë konfirmuar sot në Kosovës duke vazhduar kështu trendi pozitiv i tri ditëve të mëparshme. Mirëpo sot edhe një komunë e Kosovës, e paprekur deri më tani, i është shtruar hartës së komunave me raste të konfirmuara me koronavirus.
Bëhet fjalë për Mitrovicën e Jugut, ku sot është konfirmuar rasti i parë. Këtë e ka konfirmuar në RTV Dukagjini edhe nënkryetari i kësaj komune, Faruk Mujka.
Ai ka thënë se bëhet fjalë për një 27 vjeçare punëtore në ETC në Mitrovicë.
Si pasojë e kësaj ai ka paralajmëruar mbylljen e përkohshme te këtij supermarketi, për shkak se e infektuar kishte pasur kontakt me shumë persona, në këtë rast blerës.
Mitrovica e Jugut deri më tani ka qenë ndër komunat e pakta në Kosovë që nuk kishte pasur raste me koronavirus. /Reporteri/