Mbrëmë është gjetur pa shenja jete një 42-vjeçar në lagjen “Arbëria” në Prishtinë. Viktima është Mentor Palokaj, vëlla i reperit të njohur Viktor Palokaj – Unikkatili. Dyshohet se ai ka humbur jetën si pasojë e një mbidoze me substanca narkotike.
Për këtë ngjarje ka folur në emisionin “Kosova Today” në Klan Kosova, shoku i Unikatilit, Alban Muskana.
Ai ka theksuar anën njerëzore të Mentorit, duke e përshkruar si një person me energji pozitive dhe me një zemër të madhe për të ndihmuar të tjerët.
“Ne jemi njohur që nga shkolla. Mentorin e kam njohur fillimisht përmes Unikkatilit, por e kam njohur edhe në mënyrë më të afërt. Ishte një njeri shumë pozitiv, me shumë energji, që ka ndihmuar shumë persona dhe shumë familje në nevojë në Kosovë. Një pjesë të madhe të parave që fitonte i linte për bamirësi, tha ai.
Për më shumë, ndiqni videon e mëposhtme:
