Aktorja e njohur turke Neslihan Atagül, e cila i ka bërë një shkëputje ekranit pas lindjes së fëmijës së saj, ka ndarë me ndjekësit disa nga momentet më të bukura të pushimeve. Ajo ka publikuar imazhe nga lundrimi në det me bashkëshortin e saj, aktorin Kadir Doğulu, dhe djalin e tyre të vogël, Aziz.
Aktorja, e cila ka fituar zemrat e publikut me rolet e saj në seriale mjaft të suksesshme si “Yaprak Dökümü”, “Kara Sevda”, “Sefirin Kızı” dhe “Gecenin Ucunda”, po jeton një nga periudhat më të veçanta të jetës. E martuar me Kadir Doğulu që nga viti 2016, Neslihan ka vendosur t’i bëjë një pauzë karierës për t’iu përkushtuar maksimalisht rritjes së djalit.
Duke preferuar një jetë më paqësore, çifti zgjodhi të kalojë pushimet verore në det. Ata u nisën për një udhëtim me jaht së bashku me vogëlushin Aziz, ku shijuan detin dhe diellin gjatë gjithë ditës, duke ndarë me ndjekësit sekuenca të ngrohta nga kjo përvojë.
Ndër imazhet më të veçanta ishte festa e ditëlindjes së aktores në kuvertën e anijes. Neslihan festoi hyrjen në vitin e ri të jetës pranë familjes së saj duke prerë tortën në det, pozat e së cilës morën menjëherë mijëra pëlqime në rrjetet sociale.
Përveç festës, në postimet e saj u vu re edhe ajo që përshkruhet si “lodhja e ëmbël e të qenit nënë”. Ndërsa në sfond dëgjohej një këngë me vargje për “netët pa gjumë”, aktorja buzëqeshi me natyrshmëri, një detaj ky që u mirëprit me shumë ngrohtësi nga fansat e saj.
View this post on Instagram
