Edhe Gjykata e Lartë lë në burg Erion Veliajn, rrëzohet rekursi i kryebashkiakut

Gjykata e Lartë në Shqipëri, ka marrë vendimin këtë të martë të lërë në burg Erion Veliajn, duke lënë në fuqi vendimin e Gjykatës së Apelit për Korrupsionin dhe Krimin e Organizuar.

Kryebashkiaku Veliaj qëndron në paraburgim prej shkurtit të këtij viti, teksa po hetohet për “korrupsion”, “pastrim të parave” dhe “fshehje dhe mosdeklarim të pasurisë”.

Veliaj u arrestua me urdhër të Prokurorisë së Posaçme, pas hetimeve mbi kallëzimin e ‘Nesti Angonit’ për të.