Largimi i papritur i Dolces nga shtëpia e Big Brother VIP Kosova ka trazuar ujërat, veçanërisht për Edin, banorin që kishte krijuar afrimitetin më të madh me të.
Teksa banorët brenda shtëpisë janë të bindur se Dolce u largua për arsye urgjente familjare, e vërteta që dimë ne jashtë është krejt tjetër: bukuroshja është nisur drejt Italisë për një aventurë një-javore në “Grande Fratello”.
Por, kjo mosdije ka rënduar gjendjen emocionale të Edit. Ish-konkurrenti i sezonit të kaluar, i cili mbahet mend për lojën e fortë dhe shpesh agresive, këtë herë ka shfaqur një anë krejt të panjohur — atë të romantikut të lënduar.
Mëngjesin e sotëm, Edi është parë i përlotur në zonën e lavanderisë. Në një moment dobësie, ai ka marrë lapsin (që duket si laps grimi) dhe ka shkrur një mesazh në letër për “dashurinë” e tij të larguar:
“Me mungon shum. Pritem jasht.”
Ky dedikim prekës ka bërë xhiron e rrjetit, por reagimet e publikut kanë qenë sa të habitura, aq edhe thumbuese.
Nëse një pjesë e vogël e shohin këtë si një ndryshim rrënjësor të Edit drejt një djali të ndjeshëm, pjesa dërrmuese e komentuesve nuk janë bindur aspak. Në rrjetet sociale, ndjekësit kanë shpërthyer në ironi, duke e cilësuar sjelljen e tij si “Film Indian” apo aktrim për vëmendje.
Boll mo burrë mos e tepro, na doli ky seriali.” – shkruan një komentuese.
Mbetet për t’u parë se si do të reagojë Edi kur të marrë vesh që “tragjedia familjare” e Dolces është në fakt një biletë avioni për në reality show-n simotër në Itali. A do ta presë vërtet jashtë, apo drama do të përfundojë bashkë me javën?
View this post on Instagram
