Edona Llalloshi është ylli i muzikës që publiku e mbanë në zemër. Vitet ikin e Edona mbetet e dashura, e pëlqyera, e adhuruara e shumë njerëzve. Elegante, pa teprime, zonjë. Çfarë thotë Edona për revistën “Kosovarja” në natën e ndërrimit të moteve?
Si ka qenë viti 2020 për juve?
Ky vit shkoft e mos u ktheft. Për krejt botën ka qenë një vit shumë i rëndë. Në fillim ishte më vështirë, por që gradualisht u mësuam me këtë pandemi. Vit i rëndë kisha me e qujt, jo vit i lehtë.
Për çka do ta mbani mend këtë vit?
Ky vit mos u harroft asnjëherë. Në radhë të parë mendojmë për shëndetin pastaj për gjëra tjera. Por, nga ana tjetër këtë vit e kam shfrytëzuar maksimalisht me familje, me fëmijët e mi. Një pushim që më është dashur ndër vite edhe e kam shfrytëzuar për të mirë. Tre muajt e parë të karantinës kam punuar këngë, pastaj realizuam videoklipin e këngës “Ditën e hënë” . Dhe, ja kështu shkoj kjo kohë.
Diçka e bukur që ju ka ndodhur brenda këtij viti?
Momentin që je në shtëpi me fëmijë, ata çdo ditë janë kujdesur të më bëjnë befasi të ndryshme.
A ka diçka që do të donit ta harronit?
Nuk ka pasur diçka që është dashur ta harroj, vetëm se lutemi që sa më shpejtë ti kthehemi jetës normale.
Suksesi më i madh i këtij viti?
Realizimi i këngëve të reja.
Cila është dëshira juaj për vitin 2021?
U uroj të gjithëve shëndet dhe të jetë një vit i mbarë për të gjithë.
Plani juaj për vitin 2021?
Më nuk do të bëjmë plane, këtë vit e kemi kuptuar më së miri të gjithë. Le ti lëmë gjërat të rrjedhin natyrshëm.
Urimi juaj?
Urime viti 2021, shëndet fat dhe lumturi në familjet tuaja.
Nderim Neziri
