Ekspertët: Gjatësia e gishtave mund t’iu tregojë nëse do të bëheni tullacë

Shkencëtarët kanë zbuluar se burrat kanë më shumë gjasa që të bëhen tullacë, nëse gishtat e unazës janë më të gjatë se ata tregues.

Ekspertët mendojnë se kjo mund të jetë një shenjë e testosteronit të lartë, i cili gjithashtu mund të zvogëlojë folikulat e flokëve.

Studimi mati duart e 240 burrave të moshës mbi 37 vjeçare, të cilët u diagnostikuan me alopeci androgjenetike, e njohur si tullaci e modelit mashkullor.

Studiuesi kryesor, Ching-Ying Wu, i Universitetit Mjekësor Kaohsiung, në Tajvan, foli në lidhje me këtë gjë.

“Studimi ynë zbuloi se sa më i ulët të jetë raporti i gishtit të dytë të djathtë me gishtin e katërt, aq më i madh është rreziku i zhvillimit të alopecisë”, u shpreh ai.