Biznesmeni shqiptar në Amerikë, Elton Ilirjani është zgjedhur si një nga ikonat e “Pride Icon”.
“Krenar që jam zgjedhur një nga ikonat e këtij projekti të mrekullueshëm”, shkruan Elton Ilirjani.
“Pride Icon” është NFT më e madhe dhe e para në botë për komunitetin LGBTQ+! Për vite tëra komuniteti LGBTQ+ ka luftuar për të drejtat e tyre, barazi dhe visibilitet në hapësirën njerëzore.
Industria NFT nuk bën përjashtim, dhe komuniteti LGBTQ+ meriton përfaqësim edhe në këtë platformë! “Pride Icons” nuk është thjesht “një tjetër projekt NFT”! Arti i tij nderon dhe lartëson Ikonat Legjendare të komunitetit LGBTQ+ (si Elton ILIRJANI) dhe ky projekt është i dedikuar që të bëjë donacione me një minimum prej 1 milionë dollar amerikanë për organizatat jo fitimprurëse që promovojnë barazinë!
Ne kemi zgjedhur Eltonin të jetë një nga ikonat tona sepse ai lufton për të njëjtat vlera që ka edhe ky projekt: Barazinë! Eltoni ka krijuar Indeksin e Barazisë në Punësim për personat LGBTQ+, duke motivuar sektorin privat dhe atë publik të adoptojnë politika të barazisë në vendin e punës në Ballkanin Perëndimor.
Një token jo i këmbyeshëm (NFT) është një njësi jo e këmbyeshme e të dhënave të ruajtura në një zinxhir që mund të shitet dhe tregtohet. Llojet e njësive të të dhënave NFT mund të shoqërohen me skedarë dixhitalë si foto, video, audio dhe/ose shërbime dhe përfitime”, shkruhet në postimet e biznesmenit.
