Përbërësit:
2 vezë
1 gotë jogurt
1 gotë sheqer
1 sheqer vanilje
150 gr gjalpë
1 ½ gotë miell
1/2 pluhur pjekurinash
lëvore limoni
½ gotë bajame të bluara
400 gr qershi të pastruara
Përgatitja:
Sheqerin rraheni deri të shkumojë mirë bashkë me gjalpën. Më pas shtoni vezët dhe lëvoren e grirë në rende të një limoni.
Miksojini të gjitha mirë edhe një herë e pas kësaj shtoni jogurtin.
Në fund shtoni edhe miellin, pluhurin për pjekurina dhe bajamet e bluara.
Brumin e fituar zbrazeni në kallëpin për pjekje me dimensione 20x30cm.
Sipër brumit vendosini qershitë e pastruara.
Keku piqet për 20-25 minuta në furrën e parangrohur në 180 gradë.
Ju bëftë mirë.
