Familjari i viktimave në masakrën e Mitrovicës: Marre që e bëre hero Ivanoviqin

Ka nisur protesta kundër deklaratave të kryeministrit të Kosovës, Albin Kurti, rreth politikanit serb Oliver Ivanoviq.

Protesta e organizuar nga fëmijët e dëshmorëve, po mbahet para Qeverisë së Kosovës.

Aty ka marrë pjesë edhe Tefik Sejdiu, familjar i tri viktimave që u vranë në masakrën e Mitrovicës, ku i dyshuari kryesor ishte Oliver Ivanoviq.

“Kryeministër, unë jam dëshmitar kryesor kundër Oliver Ivanoviqit. Ty marre duhet me të ardhë. Kërko falje. Tre anëtarë i kam të masakruar. Kryeministër kërkoj falje. Turp. Marre për ty”, tha Sejdiu.

Protestuesit kanë kërkuar nga Kurti të jap dorëheqje ose të kërkojë falje.