Këshilltarja e kryeministrit në detyrë, Fëllanza Podrimja, të mërkurën kishte reaguar ndaj Ambasadës Amerikane, pasi që kishte kundërshtuar vendimin e Kurtit për vendosjen e masave të reciprocitetit ndaj Serbisë.
Podrimja kishte pyetur amerikanët se pse po ia mbajnë anën Serbisë dhe po e sabotojnë Kosovën, kur dihet që Beogradi zyrtar është aleat me Moskën dhe Pekinin.
Megjithatë, këshilltarja e Kurtit nuk është mjaftuar vetëm me atë pyetje. Sot në një reagim të sërishëm në profilin e saj zyrtar në Twitter, Pordrimja ka thënë se po pyet përsëri, se pse Beogradit nuk po i kërkohet që të ndalë fushatën e çnjohjeve dhe të heqë barrierat jotarifore, kur dihet se ato e demtojnë Kosovën ekonomikisht dhe politikisht.
“Po pyes përsëri. Pse spo i kërkohet Beogradit që të ndalë fushatën e çnjohjeve apo të largojë barrierat jo-tarifore? Po e dëmtojnë Kosovën ekonomikisht dhe politikisht”, ka shkruar Podrimja, raporton Gazeta Express.
Në reagimin e djeshëm të Ambasadës amerikane është kundërshtuar hapur vendimi i Kurtit për vendosjen e masës së reciprocitetit. Një qëndrim të tillë e ka mbështetur edhe emisari për dialogun Kosovë-Serbi, Richard Grenell.
Grenell edhe më herët ka deklaruar se taksa duhet të hiqet pas asnjë kusht shtesë, pasi sipas tij vendime të tilla e dëmtojnë Kosovën.
The Gov' of Kosova is applying GATT& CEFTA standards. Reciprocity is a tool used by sovereign states to protect their economy& create a level playing field. Why siding w/ Serbia sabbotaging RKS in every possible way? Serbia, an ally of Russia who has China patrolling its streets. https://t.co/gAkdm2CL6C
— Fëllanza Podrimja (@FPodrimja) April 1, 2020