Raporti mes dy këngëtareve të njohura, Jonida Maliqi dhe Soni Malaj, ka tërhequr vëmendjen e publikut që kur ato u bënë pjesë e “Ferma VIP 3”.
Prej kohësh, në media është përfolur për një krisje mes tyre, megjithëse asnjëra nuk ka folur publikisht për këtë çështje. Një nga arsyet e aluduara lidhet me Flori Mumajesin, me të cilin të dyja kanë pasur lidhje në periudha të ndryshme, gjë që ka shtuar spekulimet mes ndjekësve.
Soni Malaj ka pasur një marrëdhënie më të gjatë dhe të konsoliduar me Mumajesin, ndërsa Jonida Maliqi është përfolur për një romancë të shkurtër, që përfundoi pa shumë bujë, edhe pas disa fotografive së bashku në Paris.
Tani, prezenca e tyre në të njëjtin format televiziv ka rikthyer në qendër të vëmendjes raportin e komentuar mes dy artisteve, duke ngjallur kuriozitet te publiku për dinamikat e tyre brenda fermës.
