Studentë të Universitetit të Prishtinës kanë mbajtur aksion simbolik kundër deputetit dhe historianit Frashër Demaj.
Fillimisht studentët u penguan nga Policia e Kosovës në vendosjen e pankartës.
Ata kanë kërkuar shkarkimin e Frashër Demajt si dhe sabotimin e librave që masakrat në Kosovë i konsiderojnë incident.
Studenti Albinot Teraku ka thënë se historiani Frashër Demaj asnjëherë nuk është distancuar nga deklaratat e tij.
“Frashër Demaj asnjëherë nuk u distancua nga veprimet dhe deklaratat e tij, dhe si i tillë ai përfaqëson një institucion dhe është anëtar. Gjuha e tij është e papranueshme për ne, ku ai i njollos grat shqiptare”.
“Ne si historian e kemi për qëllim ta tregojmë realitetin dhe jo ta shtrembërojmë ata. Ky është një gabim amatoresk i tij dhe është i papranueshëm për ne dhe ne do të jemi gjithnjë kundër atyre që dëmtojnë imazhin tonë”.
Ndërsa studenti, Bekim Ibishi ka thënë se akademia është e ndijuar politikisht. Madje ai ka kërkuar shkarkimin e Demajt si dhe sabotimin e librave, që sipas tij, ata duhet të ndryshojnë.
“Banale është mu shtrembëruar besimi qytetar. Edhe Frashër Demaj i ka lejuar historianët serbë të dominin në projektin ndërkombëtar”.
“Mu më shqetëson se mu ka ofenduar nëna, gjyshja jem dhe krejt grat shqiptare. Akademia është e ndikuar politikisht, sepse në një akademi normale Frashëri nuk do të ishe pjesë e saj dhe ne kërkojmë që Frashëri të përjashtohet dhe ato libra të sabotohen”.
