Dmytro Kotenko vdiq pranë qytetit jugor Kherson, dhe u varros në Lviv. Nuk kishte asnjë familjar përreth Dmytro Kotenkos kur e varrosën.
Prindërit e Kotenkos nuk mundën t’ia japin lamtumirën e fundit djalit të tij. Ata ishin 960 km larg, në Sumy, pa e ditur se djali i tyre po varrosej atë ditë në Lviv, raporton BBC.
Disa nga ushtarët e rënë të Ukrainës nuk mund të dërgohen në shtëpi sepse Rusia po bombardon qytetet dhe qytezat e tyre, dhe familjet e tyre nuk mund të vijnë te varri sepse janë bllokuar nga granatimet.
Në ditën kur u varros Kotenko, kishte një fytyrë të njohur në varreza. Ishte shoku i tij i shkollës Vadym Yarovenko, i cili ishte vendosur në Lviv.
“Unë pashë mikun tim duke u varrosur larg shtëpisë së tij”, tha Yarovenko.