Gani Geci, ish ushtar dhe ish deputet i LDK-së, vazhdimisht ka përsëritur se komandant gjatë luftës e ka pasur vetëm Adem Jasharin.
“Kam qenë më i miri. Pse me ardhë Rexhep Selimi kur unë kam qenë aty para tij. Komandant e kam pasur vetëm Adem Jasharin. Të dytin e kam shënuar vetën”, kishte thënë në njërën nga intervistat e tij Gani Geci.
E gjatë ditës së sotme, përmes një videoje të postuar në faqen e tij në facebook, Gani Geci ka treguar detaje të aksionit ndaj forcave serbe, të cilin e kishin kryer bashkë me Adem Jasharin.
“Në vitin 1992 me urdhër të Komandantit Legjendar Adem Jashari u kry aksioni i parë kundër forcave Serbe nga njësiti gueril i Llaushës”, ka shkruar Gani Geci në përshkrimin e videos që ka postuar.