Ministrja e Punëve të Jashtme, Donika Gërvalla, nuk është ndarë e kënaqur me intervistën që ka dhënë për një medium zviceran pasi sipas saj në artikull ka pasur shtrembërime të fakteve përmes komenteve.
Ajo i ka reaguar mediumit “Neue Zürcher Zeitung” të cilët në komentin e tyre kishin akuzuar UÇK-së se kishin vrarë pjesëtare të pakicave dhe vrasje të oponentëve politik.
Gërvalla nuk është pajtuar me këto komente duke e akuzuar mediumin për publikime të pavërteta.
“NZZ publikoi pohimin e rremë faktik se UÇK-ja bëri vrasje pas përfundimit të luftës. UÇK-ja u shpërbë pas çlirimit të Kosovës në qershor 1999. Nëse krimet thuhet se janë kryer, ato janë bërë nga individë, jo nga UÇK-ja”, ka shkruar Gërvalla.
Ajo ka përmendur UÇK-në dhe FARK-un që tha se kanë shpëtuar civilë të pafajshëm.
“Gjatë gjenocidit në Kosovë, burra dhe gra të panumërta në UÇK-së, FARK-ut dhe të tjerët sakrifikuan jetën e tyre për të shpëtuar civilë të pafajshëm nga asgjësimi serb. Liria e medias gjithmonë duhet të mbrohet. Por kështu është e vërteta”, ka shkruar ajo.
1/2 Die @NZZ hat die falsche Tatsachenbehauptung publiziert, dass nach dem Ende des Krieges die UÇK Morde begangen hätte.
Die UÇK wurde nach der Befreiung Kosovas im Juni 1999 aufgelöst. Wenn Verbrechen begangen worden sein sollen, dann von Individuen, nicht von der UÇK.— Donika Gërvalla-Schwarz (@gervallaschwarz) June 2, 2021