Gjendet e vdekur në banesën e saj një grua në Mitrovicën e Jugut

Është gjetur pa shenja jete në banesën e saj në pjesën jugore të Mitrovicës.

Policia e Kosovës ka njoftuar se mbrëmë në ora 21:20 është raportuar se është gjetur pa shenja jete një grua në banesën e saj në Mitrovicën e Jugut.

Sipas njoftimit, në vendin e ngjarjes kanë dalë njësitet përkatëse ndërsa ekipi mjekësor ka konstatuar vdekjen e viktimës.

Me vendim të prokurorit trupi i pajetë i viktimës është dërguar në obduksion.

Vdekjen e gruas Policia e Kosovës është duke e cilësuar si vdekje e dyshimtë.