Gjendet i varur në litar një person në Pejë

Një rast tragjik ka ndodhur dje për një familje në Pejë, kjo pasi që një familjar ka gjetur vëllain e tij të varur në litar në shtëpinë e tyre.

Por si ndodhi ngjarja?

Persona të afërt me familjen e viktimës, në kushte anonimiteti kanë thënë se viktima ishte gjetur në katin e pabanuar të shtëpisë së tij rreth orës 11:00.

Sipas të njëjtave burime, dje në vendin e ngjarjes kishin dalë shumë zyrtarë policorë por edhe mjekët, të cilët e kishin konstatuar vdekjen.

Lajmin e ka konfirmuar edhe Policia e Kosovës, ku kanë njoftuar se rasti është hapur si “hetim i vdekjes”.