Sot Kuvendi i Kosovës ka dështuar të votojë në lexim të parë Projektkodin Civil të Kosovës.
Pro projektkodit civil kanë votuar 28, kundër 29 dhe 4 kanë abstenuar.
Debati kryesor lidhur me Kodin Civil është zhvilluar sa i përket martesave të së njëjtës gjini në Kosovë.
E i menjëhershëm ishte edhe reagimi i këngëtarit shqiptar, Arian Agushi i njohur si Gold Ag.
Ai shumë shpesh e ka potencuar qëndrimin e tij sa i përket këtij Kodi Civil, ku gjithmonë ishte kundër.
Reagimi i këngëtarit ka shkuar direkt për deputetët të cilët votuan pro.
Përmes një postimi në “Facebook”, ai është shprehur rëndë.
“A ka ndonjë listë dikush, të di kujt të mos me i fol as për dore më? Se dora që e votoi s’mundet me prek dorën time!”, ka shkruar këngëtari shqiptar.