Nëse Meghan Markle dhe princ Harry po investojnë në diçka tani, ajo është siguria e tyre.
Pas problemeve të shumta me portalet, paparacët dhe cënimin e privatësisë, çifti ka vendosur të mbrojë të voglin dhe veten, duke punësuar punonjës sigurie nga më të mirët!
Sipas Daily Mail, princ Harry do të punësojë njerëz nga kompania më e shtrenjtë e sigurisë që kushton rreth $8600 në ditë! Punonjësit e sigurisë së kësaj firme punojnë vetëm me personazhë shumë të famshëm si, miliarderi Jeff Bezos, Tom Hanks, Madonna dhe Cher.
Ish-çifti mbretëror, prej kohësh është ndjerë i kërcënuar nga mungesa e privatësisë dhe periudha e vështirë që kaluan me paparacët, prandaj burime pranë tyre bëjnë me dije se kanë në plan ta paguajnë shtrenjtë sigurinë e familjes.
“Ata kanë parë drone që lëviznin mbi kokat e tyre dhe e ndjejnë që janë gjithë kohës në fokusin e fotografëve/ Meghan ka marrë kërcënime raciste me vdekje gjatë kohës së dasmës së saj, prandaj terrori ka qenë shumë real për ta. Si do të ndiheshit ju në vend të tyre? Të ishit duke luajtur me fëmijën tuaj dhe të ndjenit se keni një dron që rrotullohet sipër kokës tuaj?”
Zgjidhja e vetme, duket se mbetet investimi në siguri. Edhe nëse kjo kushton $8,600 në ditë!
