Kandidati për kryeministër nga LDK, Avdullah Hoti, e ka komentuar listën e kandidatëve të deputetëve të Lëvizjes Vetëvendosje.
“Kurti bën çdo gjë për me lyp një grusht vota. Shikojani listën e tij dhe veprimet që i bën dhe s’lë asgjë pa bë.
Në listën e tij ka gjithçka, çdo gjë, gjëra që nuk qëndrojnë bashkë, gjithçka brenda kësaj liste vetëm për të fituar vota”, ka thënë Hoti.
Hoti e ka cilësuar po ashtu listë ‘ekstremiste’, duke thënë se kandidatët do të bëhen ‘copë-copë’.“Copë-copë kanë me u bë këta njerëz, sepse kush e mbanë bashkë një parti, Një parti politike një lloj mendësi, një orientim afatgjatë dhe këta s’i keni kështu.
Lideri i tyre është ekstremist i majtë dhe brenda ka njerëz ekstremistë”, tha ai.Zgjedhjet e jashtëzakonshme parlamentare në Kosovë do të mbahen te dielën e 14 shkurtit.
