Kryeministri i Kosovës, Avdullah Hoti është ndalur para gazetarëve pas takimit të shkurtër që e pati me presidentin Hashim Thaçi.
Hoti tha se ia ka prezantuar presidentit platformën e tij për dialogun me Serbinë dhe i ka kërkuar koordinim në këtë proces, shkruan Gazeta Sinjali.
“Atë qëndrim e prezantova sot para presidentit dhe kërkova që plotësisht të koordinohemi në këtë proces të rëndësishëm që nuk është vetëm i kësaj qeveria, por është i gjithë partive politike dhe i gjithë qytetarëve”, tha Hoti.
Çështja se kush do ta udhëheqë dialogun me Serbinë, Hoti tha se nuk u shtrua sepse sipas tij, Kushtetuta i ndanë qartë kompetencat.
“Ato çështje as nuk shtrohen. Kushtetuta është shumë e qartë në këtë drejtim”, u shpreh Hoti.
Ai theksoi se po mundohet që ta krijojë një konsensus të gjerë në Kosovë për çështjen e dialogut me Serbinë. /
Gazeta Sinjali/