159
Hysni Gucati është zgjedhur sërish kryetar i OVL-UÇK-së.
Delegatët e Kuvendit të pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar sot edhe një mandat 4 vjeçar Hysni Gucatit, i cili këtë pozitë e ka ushtruar edhe mandatin e kaluar.
Në këtë kuvend, Gucati i ka marrë 112 vota, kurse kundërkandidati i tij, Nasim Hardinaj ka marrë 95 vota. Në garë ishte edhe Kapllan Parduzi.
Gucati kishte ndërprerë drejtimin e OVL-UÇK-së pas arrestimit të tij nga Gjykata Speciale.
Faton Klinaku deri më sot ka qenë në krye të OVL-UÇK-së si ushtrues detyre i kryetarit.
