I dyshuari i ikën policisë gjatë qëndrimit si pacient në QKUK

Në Qendrën Klinike Universitare të Kosovës, të hënën një person i kërkuar nga Policia e Kosovës arriti të ikte nga zyrtarët policorë nga dhoma ku po trajtohej, për shkak të lëndimeve që kishte pësuar.

Siç merr vesh Klan Kosova, pacienti dhe i dyshuari edhe pse ka qenë nën vëzhgimin e policit gjatë kohës sa ka qenë duke u trajtuar në emergjencë në një moment i ka thënë policit që ka probleme me frymëmarrje.

Tutje polici e ka afruar pranë dritares të dyshuarin, i cili në ato momente është arratisur.