I riu që vdiq dje nga aksidenti në Panorc, varroset sot pasdite

I riu Dhurim Bajrami ka humbur jetën pasi humbi kontrollin mbi makinën e tij.

22 vjeçari ndërroi jetë në aksidentin që ndodhi në fshatin Ponarc të Malishevës, dje rreth orës 12:30.

Për aksidentin, ka folur dje për Sinjalin edhe Policia në Gjakovë.

“Ngasësi i një automjeti dyshohet të ketë humbur kontrollin mbi automjetin dhe është vet-aksidentuar.

Për pasojë ngasësi (mashkull i lindur në vitin 2001) ka humbur jetën, vdekjen e të cilit e ka konstatuar ekipi mjekësor në QKMF Malishevë”, thuhet në deklarimin e Policisë.

Varrimi i të ndjerit bëhet sot në 17:00, në varrezat e fshatit Panorc.