S’ka kush të përgënjeshtrojë se Zefi ishte përfaqësuesi më i shquar këngës së re arbëreshe, autor i teksteve e muzikave të këngëve që me zë të fuqishëm e të ëmbël i interpretonte.
Kakoca ishte një personalitet shumëfytyrësh, me një fjalë i gjithanshëm. Artist mbase është fjala më e përshtatshme, duke mbajtur parasysh se arti ishte mënyrë jetese, përkushtim gjatë gjithë karrierës së tij, shkruan “Kosovarja”.
Dje pikërisht ky kalos i poezisë, ky arbëresh i madh u nda nga jeta.
Është këngëtari dhe miku i tij Ilir Shaqiri ai që shkroi disa rreshta emocionues për këtë personalitet kaq të shquar.
“Na e le këngën ngrirë në buzë, o vëlla…
Më fal për këto dy kokrra loti që mu rrokullisën në mjekër…, se edhe shqiponjat sot ndalen fluturimin, duke parë shpirtin tënd të bardhë tek merr udhë nëpër qiell…
Lamtumirë, ARTIST, janë pak nga fjalët që shkroi Iliri.
https://www.facebook.com/ilirshaqiri.al/posts/260819472079017
Ndryshe, Ilir Shaqiri dhe Zef Kakoca kishin disa bashkëpunime ndër vite./Kosovarja/
