Një incident i rëndë ka ndodhur gjatë ditës së sotme na fshatin Isniq të komunës së Deçanit, ku dyshohet se i biri ka goditur me sëpatë babanë e tij.
Rastin për IndeksOnline e ka konfirmuar zëdhënësi i Prokurorisë Themelore në Pejë, Shkodran Nikçi, ku ka bërë të ditur se Prokurorja e Krimeve të Rënda ka autorizuar Policinë për lokalizimin dhe arrestimin e personit të dyshuar.
Nikçi njoftoj se viktima ndodhet jashtë rrezikut për jetën, ndërsa rasti është cilësuar si “vrasje në tentativë”.
“Ka ndodhur një rast i cilësuar si vrasje në tentativë në komunën e Deçanit. Viktima ndodhet jashtë rrezikut për jetën. Prokurorja e Krimeve të Rënda ka autorizuar Policinë për lokalizimin dhe arrestimin e personit të dyshuar”, ka thënë Nikçi.
Burimet e IndeksOnline kanë bërë të ditur se i dyshuari është K.Musshabanaj, ndërsa viktima është ish-ushtar i UÇK-së, A.Musshabanaj.
Rasti që tronditi Deçanin, viktima dhe dorasi janë nga ky fshat
