Një studente e inxhinierisë bërthamore nga Wisconsin me aftësi për të ndarë mendimin e saj mbi ‘temat e nxehta politike’ është kurorëzuar si “Miss Amerika 2023”.
Grace Stanke, 20 vjeçe, fitoi titullin në konkursin e bukurisë të enjten në arenën “Mohegan Sun” në Uncasville, Connecticut, shkruan DailyMail.
Me origjinë nga Wausau, Wisconsin, ajo mahniti gjyqtarët me bukurinë dhe trurin e saj.
Mbretëresha e bukurisë aktualisht po studion për inxhinieri bërthamore në Universitetin e Wisconsin-Madison dhe shpesh shpreh dashurinë e saj për këtë temë në rrjetete sociale.
“Jam shumë krenare që jam një grua në inxhinierinë bërthamore. Nuk është e lehtë, as nuk është një rrugë e thjeshtë për t’u ndjekur, por ia vlen shumë”, shkroi ajo në Instagram në qershor.
Kur u pyet nga gjyqtarët se për çfarë do ta përdorte titullin “Miss America”, ajo tha se ishte ‘e emocionuar’ që kishte mundësinë të përdorte zërin e saj për një audiencë edhe më të madhe.
“Si ‘Miss Amerika’, e di që po përfaqësoj këtë organizatë, por jam në gjendje t’u përgjigjem pyetjeve dhe të them: ‘Ky nuk është këndvështrimi i organizatës, ky është këndvështrimi im personal si Grace Stanke’, veçanërisht kur bëhet fjalë për gjëra të tilla si energjia bërthamore dhe shumë tema të tjera të nxehta politike”, tha ajo.
