Izolimi në Britani të Madhe do të vazhdojë edhe për 3 javë

Sekretari i Punëve të Jashtme të Britanisë së Madhe, Dominic Raab, ka deklaruar që masat e izolimit në këtë shtet do të vazhdojnë edhe për 3 javë të tjera.

Ai ka theksuar se edhe pse ekonomia e shtetit është në rrezik, shëndeti i njerëzve është primar, prandaj dhe masat për parandalimin e përhapjes së koronavirusit do të vazhdojnë edhe për 3 javë të tjera.

Raab gjithashtu tha se qeveria britanike është në një presion të vazhdueshëm se si të dilet nga kjo gjendje krize, pasiqë 2 milionë qytetarë kanë humbur punën e tyre.

Teksa, sekretari i Shëndetësisë, Matt Hancock, ka sygjeruar që masat të mos hiqen kaq herët sepse mund të jetë rrezik.

Numri i të vdekurve në Britani të Madhe nga koronavirusi deri më tani ka shkuar në 13 mijë e 729.