Nëse përjetoni spazma të dhimbshme dhe të pakontrolluara të muskujve të pulpës së këmbës, atëherë ju ka kapur një ngërç.
Shkenca nuk mund të shpjegojë shkakun ekzakt të ngërçeve por disa arsye të mundshme mund të jenë dehidratimi, mbingarkesa ose tendosja e muskujve, kushtet e vështira fizike dhe kequshqyerja.
Zakonisht këto ngërçe kalojnë vetë, por ka disa gjëra që mund të bëni për të lehtësuar dhimbjen dhe për t’u shëruar më shpejt.
Pini shumë lëngje të pasura me minerale. Pirja e lëngjeve të pasura në elektrolite mund të ndihmojnë në balnacën e mineraleve në trupin tuaj. Gjithashtu shmangni pijet që sugjerohen për fitness e sport sepse janë shumë të pasura me sheqerna të cilat e përkeqësojnë situatën me ngërçet.
Merrni multivitamina. Shumë rrallë ndodh që një person të marrë të gjithë mineralet dhe nutrientët që trupit të tij i duhen gjatë ditës dhe kjo është arsyeja pse multivitaminat rekomandohen për të gjithë. Ngërçet shkaktohen zakonisht nga mungesa e vitaminave dhe mineraleve, prandaj marrja e tyre, sidomos e magnezit dhe zinkut mund të ndihmojë në luftimin e kësaj dukurie.
Shtriqja dhe masazhimi i muskulit të prekur nga ngërçi mund të ndihmojë në lehtësimin e dhimbjes derisa impulsi të kalojë.
Vendosni një kompresë akulli në pulpën e këmbës. Ndihmon në relaksimin e muskujve të prekur dhe lehtëson inflamacionin.
Një tjetër truk është të vendosni shputat e këmbës në tokë në momentin që po përjetoni një ngërç të pulpës. Qëndroni ulur në shtrat dhe mbështesni shputat në dysheme. Ky veprim do të relaksojë muskulin dhe do të largojë dhimbjen.
Mënyra për të parandaluar ngërçet në pulpë:
-Përmirësoni performancën tuaj fizike duke u ushtruar rregullisht.
-Bëni gjithmonë nxemje para aktiviteteve impenjative si vrapi, ngritja e peshave apo ushtrimet e rënda.
-Pini shumë ujë për të mbajtur gjithë trupin të hidratuar, përfshirë këtu edhe muskujt.
-Mbani një dietë të balancuar. Hani shumë fruta dhe perime.
-Vishni këpucë të rehatshme sidomos nëse parashikoni shëtitje të gjata dhe aktivitete të tjera që kërkojnë shumë lëvizje të këmbëve.
Ngërçet muskulore dhe pasojat e tyre
Ngërçet muskulore janë relativisht të padëmshme edhe pse shumë të sikletshme; në fakt nuk ka shpjegime biologjike për to. Në disa raste, ato janë të lidhura me gjendje të caktuara mjekësore. Furnizimi i dobët me gjak i arterieve mund të çojë në ngushtimin e tyre dhe të rrisë rrezikun për ngërçe të muskujve. Mungesa të tjera mineralesh (kalcium, magnez dhe kalium) gjithashtu mund t çojnë në ngërçe të muskujve.
