Është hapur tashmë Kampionati Botëror i Futbollit në Doha.
E ftuar në hapjen e Kampionatit, ishte edhe ish Presidentja e vendit, Atifete Jahjaga, e cila është shprehur se Katari po shënon historinë, shkruan “Kosovarja”.
“Me ftesë të autoriteteve të Shtetit të Katarit, sot isha e pranishme në ceremoninë e hapjes së Kampionatit Botëror të Futbollit në Doha. Katari kësaj radhe po shënon historinë, duke u bërë shteti i parë nikoqir i Botërorit në Lindjen e Mesme”.
Ish Presidentja e Kosovës, Atifete Jahjaga, ka shprehur keqardhjen që Ekipi i Kosovës nuk do të jetë në gare.
“Ky event ka mbledhur në Katar elitën e futbollit botëror, mirëpo për fat të keq Ekipi i Kosovës nuk do jetë në garë. Pavarësisht kësaj, djemtë tanë na kanë bërë krenarë me punën e tyre të palodhshme që vitin tjetër e dërgojnë Kosovën në kampionat evropian. Kombëtarja jonë, krenaria jonë”, thotë Jahjaga, transmeton “Kosovarja”.
