Nga 14 nëntori në vendin tonë ka zbarkuar shija e pakrahasueshme e kuzhinës italiane, përmes “Javës së Kuzhinës Italiane në Kosovë”.
Ambasada e Italisë në Prishtinë, në bashkëpunim me “Italian Trade Agency” (ITA) dhe “Institutin Italian të Kulturës”, nga data 14 nëntor kanë lansuar “Javën e Kuzhinës Italiane në Kosovë”.
Fushata vjetore ka për qëllim promovimin e traditave kulinare italiane në botë. Sektori agroushqimor, i cili ka qenë gjithmonë një nga pikat e forta të Italisë, është padyshim një nga sektorët nga ku mund të rifillohet pas pandemisë, duke promovuar përsosmëritë e vendit, duke vlerësuar produktet “Made in Italy”si sinonim i cilësisë e sigurisë.
Tema e “Javës së Kuzhinës Italiane në Kosovë” për këtë vit është “Gjallëri, qëndrueshmëri dhe risi: përbërësit e kuzhinës italiane për shëndetin e njerëzve dhe mbrojtjen e Planetit”, ndërkohë vendi ynë po mërrë pjesë në “Javën e Kuzhinës Italiane” me nisma kushtuar thellimit të koncepteve të qëndrueshmërisë, cilësisë, teknologjive dhe inovacionit, gjithmonë duke respektuar traditën dhe identitetin e territorit.
Në kuadër të këtij projekti, “ITA” (Italian Trade Agency), sot organizon një Masterclass dhe Shoë-cooking në Prishtinë, dedikuar qëndrueshmërisë në gatimet dhe verërat italiane, drejtuar kryesisht importuesve dhe operatorëve të sektorit ho.re.ca, me qëllim thellimin e njohurive mbi prodhimet ushqimore italiane.
Më konkretisht bëhet fjalë për një vitrinë të jashtëzakonshme për promovimin e stilit të jetesës, kulturës dhe ekselencës italiane.
“Javës së Kuzhinës Italiane në Kosovë” vazhdon deri me datë 20 nëntor dhe pritet të prezantojë gjallërinë, qëndrueshmërinë dhe risitë e mrekullueshme të kuzhinës italiane, të njohur ndërkombtarisjt për shijen dhe cilësinë unike.
Për më shumë informacione mund të vizitoni rrjetet sociale:
Facebook:
https://www.facebook.com/iceagenziaalbania
Twitter:
https://twitter.com/itatirana?fbclid=IwAR1esu0pvn1dAaOENvLI0GAjASrxQ08rEdPN0CuzyikLwXqiXnJYv7D1q7c
