Në rrjetet sociale po qarkullon një video në të cilën Justin Bieber shihet me sy mbyllur në mes të një turme në Coachella, duke dëgjuar performancën e Frank Ocean dhe në video thuhet se këngëtarin e kishte “zënë gjumi”.
Menjëherë nisën komentet: “Çojeni në krevat”, “Po mediton”, “Jam i bindur që shumë të tjerë fjetën”, etj.
Nga ana tjetër, një numër i konsiderueshëm njerëzish thanë se Justin po ndiente muzikën dhe po përqendrohej në performancën e Frank Ocean, i cili ngjitej sërish në skenë pas 6 viteve mungesë.
Gjithashtu, Justin bëri edhe një postim në Instagram, duke mbrojtur performancën e Frank, pas kritikave të shumta që mori nga pjesëmarrësit në Coachella për faktin që u ngjit vonë (pothuajse 1 orë me vonesë) dhe zbriti shpejt nga skena, shumë herë nuk këndoi live, i ktheu shpinën turmës, si dhe nuk këndoi këngët e preferuara të fansave.
Njerëzit thanë se u zhgënjyen nga performanca e shumëpritur dhe menjëherë, Justin postoi një kolazh me fotot e performancës dhe shkroi: “U mahnita nga performanca e Frank Ocean në Coachella. Arti i tij është thjesht i pakrahasueshëm, stili, shija, zëri, vëmendja ndaj detajeve…U frymëzova shumë. Më bëri të dua të eci përpara dhe të bëhem një artist më i mirë. Ai vazhdon të vendosë standarde të larta dhe më dhuroi një natë që s’do ta harroj kurrë! Faleminderit, Frank”, shkroi këngëtari.
@pineappleonpisa