Shijojeni këtë ëmbëlsirë të vjetër, që nuk na mërzitet kurrë!
Përbërësit
4 vezë
2 filxhanë të vegjël sheqer
ekstrakt vanilje
2 filxhanë të vegjël miell
2 lugëza pluhur pjekurinash
1 filxhan qumësht
150 gr gjalpë
Në një enë të thellë miksojini vezët me shpejtësi maksimale. Pastaj shtoni sheqerin dhe vazhdojeni miksimin derisa të fitoni një masë kremoze.
Shtoni edhe ekstraktin e vaniljes e në fund edhe miellin e pluhurin për pjekurina. Në një enë tjetër shkrijeni gjalpën bashkë me qumështin.
Qumështin pastaj shtojeni tek masa e përgatitur me vezë e miell. Miksojini mirë të gjitha derisa të fitoni një masë homogjene e këtë zbrazeni në tavën e lyer me yndyrë. Piqeni në furrën e parangrohur në 180 gradë për 30-35 minuta.
Lëreni të ftohet e pastaj shërbejeni. Ju bëftë mirë.