Këngëtari Estto drejt martesës, i propozon të dashurës

Ernest Zeka i njohur për publikun me emrin artistik, Estto, bëhet e ditur se i ka dhënë fund beqarisë.

Lajmin e ka konfirmuar përmes një postimi të shpërndarë me ndjekësit në InstaStory.

Ai dhe partnerja e tij, bukuroshja nga Prizreni Enkela Karavidaj, kanë kurorëzuar dashurinë e tyre me fejesë.

Krahas muzikës, Estto nga ana tjetër nuk është komentuar ndonjëherë për jetën private.

Ai ka qenë më i rezervuar në këtë pjesë, ndonëse është i pranishëm në estradë prej disa viteve.

I njëjti shquhet për një sërë hitesh si: “Jeta Jem”, “Ajo shkoi”, “Dashuri”, “Amante”, “A ke ti zemër”, “T’du hala” etj.

Artisti i njohur vazhdon të jetë i angazhuar edhe me mbrëmje e koncerte.