Këngëtarja e njohur Adelina Berisha ka njoftuar se është gjobitur nga Administrata Tatimore e Kosovës me një shumë prej 72 mijë eurove.
Berisha ka njoftuar se e ka pranuar gjobën nga ATK-ja duke e bërë të ditur lajmin përmes postimeve në rrejtin e saj social Instagram.
“Për të gjithë ju që me keni pyetur a është e vërtetë që me ka dënu ATK me 72 mijë euro? PO “shteti i ynë” i dashur me ka dënu”. Dhe po reagoj sepse nuk është shuma reale që unë jam dënuar”, ka shkruar Adelina në fund të reagimit të saj.
Tutje, ajo ka folur për shumë koncerte edhe humanitare që ka pasur, prej moshës së re e deri me sot.
“Unë shpresoj që do të këtë drejtësi dhe do ta sqaroj këtë padrejtësi sepse si artiste jam munduar që të jap më të mirën nga vetja që nga mosha pesë vjeçare, që kur kam filluar që të këndojë”.
