Gazetari Elton Tozaj ka bërë një reagim publik urgjent, duke deklaruar se është përballur me kërcënime me jetë pas deklaratave të tij lidhur me përplasjen fizike mes Jozit dhe Edit.
Sipas Tozajt, kërcënimet kanë nisur pas qëndrimit të tij publik, ku ai kishte dënuar dhunën nga të dyja palët.
Përmes një postimi në rrjetet sociale, gazetari u ka bërë thirrje organeve kompetente, Policisë dhe Prokurorisë, që të ndërhyjnë dhe të nisin hetimet për personat që, sipas tij, qëndrojnë pas kërcënimeve.
Ai ka theksuar se kërcënimet ndaj një gazetari dhe përdorimi i dhunës apo terrorit nuk duhet të tolerohen, duke kërkuar që rasti të trajtohet me seriozitet nga institucionet përgjegjëse.
Në reagimin e tij, Tozaj ka përcjellë edhe një mesazh kundër dhunës, duke përdorur hashtagë ndërgjegjësues si **#StopDhunës**.
